Xhaxhai i Albin Kurtit, Hamza, që jeton në Sukobinë të Malit të Zi, beson se nipi i tij ka armiq të brendshëm e të jashtëm.

“Ka armiq të brendshëm edhe të jashtëm. Ajo është me rëndësi. Sikur Kosova të ishte e unifikume, e bashkume, ndryshe do të ishte situata”, ka deklaruar ai.

69-vjeçari thotë se djali i vëllait të tij është negociator me parime, të cilat kanë vlejtur edhe në muhabetet me të.

Këto tipare e qëndrime Hamza Kurti beson se nipit s’ia ka ndryshuar pozita.

“Kur e kam pas unë gabim, ai s’është pajtu kurrë me mu. Edhe ka dalë fjala e tij. Unë si ma i moçmi është dashtë me u tërhjek. Pse? E kam pa që e ka me të drejtë. S’është i korruptum, edhe atë s’mundet me e shantazhu kërkund sepse nuk ka korrupsion te ai”, ka thënë axha i Kurtit për Klan Kosova.

Sukobina është vendlindja e Zaim Kurtit, babait të kryeministrit kosovar, i cili më pas u zhvendos për të jetuar në Prishtinë.