Avokati Besnik Berisha, ka thënë se Alban Krasniqi, bashkëshorti i Albulena Haxhiut, duhet të ndiqet penalisht, pasi që sipas tij, ka kërcënuar sonte gjyqtarët e Gjykatës Kushtetuese.
Ai ka thënë se një gjë e tillë nuk duhet të ndodhin dhe as të lejohen.
“E pashë sonte një reagim të burrit të Albulena Haxhiut, i cili hapur kërcënoi gjyqtarët e Gjykatës Kushtetuese. Kjo gjë nuk duhet të ndodhë dhe duhet të ndiqet penalisht”, ka thënë ndër të tjera Berisha.
Alban Krasniqi, bashkëshorti i Ministrisë së Drejtësisë ka paralajmëruar reagim të ashpër ndaj vendimit të Gjykatës Kushtetuese. Në një postim në Facebook, ai tha se vetëm mbi trupat e tyre mund të kthehet, siç ka thënë ai, ‘krimi në qeverisje. Madje ka shkuar deri aty sa tha se më parë pranon vdekjen e tij se të demokracisë.
“Duhet të kaloni mbi trupa njerëzish që ta riktheni krimin në qeverisje! Krejt ata që kanë shkarravitur në atë vendim skandaloz le ta dinë që nuk u falet! Më parë pranoj vdekjen time sesa vrasjen e demokracisë! Shihemi në shesh, e kudo që na imponohet!”, ka shkruar ai. /Reporteri