Ekipi i CNN në Jerusalem po dëgjon shpërthime dhe sirena ndërsa mbrojtja ajrore po kap objektivat në qiellin e Jerusalemit, raporton rrjeti televiziv amerikan. 

Ndërkaq, sipas raportimit, ushtria izraelite më herët lëshoi sirena në shumë vende në jug të vendit, si dhe në pjesë të Bregut Perëndimor të pushtuar herët të dielën, tregoi një aplikacion alarmi, duke paralajmëruar kërcënimet ajrore në hyrje.

Gjithashtu, sipas Reuters, zhurmat e shpërthimeve janë dëgjuar në Jerusalem, për të cilat mediat izraelite thanë se ishin të mbrojtjes ajrore.

Irani ka nisur sulme me dronë drejt Izraelit, ka njoftuar të shtunën në mbrëmje Forca e Mbrojtjes e Izraelit.

Disa orë pas, Irani ka thënë se sulmi i tij mbi Izraelin është përgjigje për sulmin izraelit në konsullatën e Iranit në Damask dhe se tani “çështja mund të konsiderohet e mbyllur”.

Izraeli në fillim të këtij muaji goditi një ndërtesë iraniane në kryeqytetin sirian Damask. Një zëdhënës ushtarak kishte thënë se Izraeli besonte se ndërtesa iraniane e goditur në sulm ishte një “ndërtesë ushtarake”.