Këmbanat e Notre Dame në Paris ranë të premten për herë të parë që nga një zjarr i vitit 2019 që shkatërroi katedralen historike.

Tingulli nga tetë këmbanat në kambanoren veriore të Notre Dame erdhi një muaj përpara se katedralja të rihapte pas pesë vitesh punë restauruese pas zjarrit.

“Ky është një hap i bukur, i rëndësishëm dhe simbolik,” tha Philippe Jost, i cili kryeson institucionin publik të ngarkuar me restaurimin e katedrales.

Në mbrëmjen e 19 prillit 2019, parisienët dhe bota panë me ankth teksa flakët shkatërruan objektin e trashëgimisë botërore.

Presidenti francez Emmanuel Macron miratoi objektivin ambicioz për të rindërtuar Notre Dame brenda pesë viteve dhe për ta bërë atë “madje edhe më të bukur” se më parë. Rreth 250 kompani dhe qindra ekspertë u mobilizuan për një restaurim që kushtoi qindra milionë euro.

Këmbana më e rëndë, e quajtur ‘Gabriel’, peshon mbi katër tonë dhe më e lehta, ‘Jean-Marie’, 800 kg. Një fundjavë ceremoniale do të shënojë rihapjen e Notre Dame më 7 dhe 8 dhjetor./Anabel/