Në fillim të kësaj jave presidenti rus Vladimir Putin ka nënshkruar një ligj të ri sipas të cilit ushtarët rusë që refuzojnë të luftojnë ose nuk i binden urdhrave tani do të përballen me dhjetë vjet burg.

Një tjetër ligj i nënshkruar nga presidenti sot do t’u japë të huajve që luftojnë për ushtrinë ruse akses më të lehtë në shtetësinë ruse, raporton CNN.

Qytetarët e huaj që nënshkruajnë një kontratë ushtarake prej të paktën një viti do të mund të aplikojnë për shtetësi pa kërkesat e zakonshme për të qenë zyrtarisht rezident në vend për pesë vjet.

Kjo lëvizje vjen pas kërkesës së presidentit rus për mobilizim të pjesshëm.