Në shënimin e 20 vjetorit të hyrjes së trupave të NATO-s në Kosovë ka nisur ceremonia zyrtare për shënimin e kësaj date.
Ceremonia po mbahet në sheshin “Skënderbeu”, ku përveç personaliteteve vendore, po marrin pjesë edhe ish-presidenti amerikan Bill Clinton, ish-sekretarja amerikane e shtetit Madeline Albright, ish-komandanti i NATO-s gjenerali Wesley Clark, kryeministri i Shqipërisë, Edi Rama, presidenti i Shqipërisë, Ilir Meta e shumë të tjera personalitete nga vendi dhe bota.
Tanimë në sheshin “Skenderbeu”, kanë arritur edhe ish-presidenti amerikan, Bill Clinton dhe ish-sekretarja Albright.
Të shoqëruar nga krerët e shtetit të Kosovës dhe forca të shumta të sigurisë, ata u bashkuan në mesin e mijëra personave për shënimin e 20 vjetorit të çlirimit të Kosovës.
Teksa ata u futnë shesh, në prapavijë dëgjohej melodia e këngës “Baresha” nga Nexhmie Pagarusha.