Zyra për Certifikimin e Subjekteve Politike dhe Kandidatëve ka konstatuar se partitë politike dhe kandidatët e tyre i plotësojnë kushtet për Certifikim, shkruan Reporteri.net.
47 kandidatët për deputet që u vlerësua që kanë probleme me ligjin sipas kësaj zyre do të mund të kandidojnë në zgjedhjet e 14 shkurtit.
Drejtori i kësaj Zyre, Yll Buleshkaj, ka thënë se për ZRP-në të gjithë kandidatët i kanë plotësuar kushtet, por paqartësia sipas tyre është tek pika q, për të cilën kanë thënë se nuk e kanë të qartë.
Kurse kryetarja e KQZ-së Valdete Daka është shprehur se ky rekomandim e bën edhe më të paqartë këtë proces.
Sipas saj rekomandimi i ZRP-së nuk thotë asgjë.
“Unë e kam para vetes një rekomandim i cili në fakt nuk na shpjegon se a i përmbushin këta kandidatë kriteret apo jo. Ne kemi një rekomandim i cili nuk na thotë kurgjo. Prakitikisht thotë që të certifikohen të gjithë kandidatët, edhe ata të cilët i kanë zëvendësuar”, ka thënë ajo. /Reporteri.net