×
  • Lajme
  • Lajme

    Daut Haradinaj thotë se Kurti në Kosovë është si koronavirusi

    Reporteri
    27 Shkurt 2020 | 22:05

    Shefi i Grupit Parlamentar të Aleancës për Ardhmërinë e Kosovës, Daut Haradinaj, ka reaguar ashpër pas njoftimit të kryeministrit të vendit, Albin Kurti, për heqjen e pjesshme dhe me kushte të tarifës ndaj Serbisë.


    Haradinaj ka thënë se duhet konstatuar se “Kurti është një mashtrues i madh publik”.

    “Sot mori një vendim të njëanshëm që si duket nuk e ka konsultuar as partnerin që e kanë në qeveri. Po tingëllon që vet zoti Kurti është si një “Coronavirus” në Kosovë”, ka thënë Haradinaj në Rtv Dukagjini.

    Shefi i Grupit Parlamentar të AAK’së thotë se sot janë depozituar nënshkrimet e nevojshme për thirrjen e një seance të jashtëzakonshme, përcjell Telegrafi.

    “Kemi pasur informacione se do të ndodh diçka e tillë, prandaj jemi përgatitur për të thirrur një seancë të jashtëzakonshme. Nesër do të kemi mbledhjen e Kryesisë së Kuvendit dhe besoj se të hënën në ora 11 do të ketë seancë të jashtëzakonshme”, tha ndër të tjera Daut Haradinaj.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!