Deputetja e PDK-së, Blerta Deliu-Kodra, ka reaguar ndaj deklaratave të Mimoza Kusari-Lilës, se Vetëvendosja i ka kërkuar LDK-së 15 nënshkrime për votimin e presidentit në këmbim të tërheqjes së Ligjit për Zgjedhje.
Reagimi i saj erdhi përmes një postimi në Facebook, gjersa ka shtuar se Vetëvendosje po e përdor Ligjin për Zgjedhje dhe ndjeshmërinë ndaj mërgatës si shantazh politik ndaj opozitës, e në rastin e veçantë ndaj LDK-së.
“Shefja në detyrë e Grupit Parlametar të Vetëvendosjes, Mimoza Kusari-Lila, sapo konfirmoi para mediave se kanë shantazhuar LDK-në me votimin e Vjosa Osmanit për presidente në këmbim të tërheqjes së Ligjit për Zgjedhje!”, tha ajo.