Deputeti i partisë “Guxo”, Ekrem Mustafa përmendi ministrën e Ekonomisë, Artane Rizvanolli, e cila pati thënë që të hiqen nga priza konzollat (joystickat) e video-lojërave, teksa tregon një mënyrë tjetër për të kursyer energjinë.

Sipas tij, edhe drita e televizionit harxhon rrymë, pesë deri në 6 euro i harxhon gjatë vitit.

“E vetmja mënyrë për të përballuar më lehtë është me ekonomizu energjinë elektrike dhe ta kursejmë në masë të madhe, të kemi kujdes. E kanë marrë me banalitet edhe portalet kur e thotë ministrja Rizvanolli që joystick (konzollat) të hiqen nga priza, unë e them edhe diçka edhe më të vogël, edhe ajo drita ndezë e televizionit kur ta marrim në koston vjetore, mendojë që 5 apo 6 euro t’i harxhon gjatë vitit”, tha Mustafa në TV1.