Policia e Kosovës ka dhënë lidhur me një vrasje të tëndë që kishte ndodhur më 11 shkurt në Rahovec.
Një person dyshohet se u vra e më pas u dogj nga vëllai i tij, në rrethana ende të paqarta, shkruan Reporteri.net.
I dyshuari sipas policisë është arrestuar dje, më 9 prill, teksa rasti dyshohet të ketë ndodhur më 11 shkurt.
Raporti i policisë thekson se dyshuari ka marrë nga vëllai i tij një sasi të konsiderueshme të parave, që mund të ketë qenë edhe motiv i vrasjes.
Në shtëpinë e të dyshuarit janë sekuestruar dy pistoleta dhe para të gatshme 8.000 (tetëmijë) euro dhe 35.000 (tridhjetë e pesëmijë) franga Zvicerane.
I dyshuari pas intervistimit me vendim të prokurorit është dërguar në mbajtje.
Njoftimi i plotë nga Policia:
Lidhur me rastin me datën 09.04.2020 është arrestuar i dyshuari mashkull kosovar i cili dyshohet se me datën 11.02.2020 për motive të panjohura kishte vrarë vëllain e tij viktimën mashkull kosovar, të ia ketë marr një sasi të konsiderueshme të parave dhe më pas dyshohet se ka djegë trupin e tij. Viktima nga familjarët e tij me datën 27.02.2020 është raportuar si person i zhdukur. Nga i dyshuari si prova materiale janë sekuestruar dy pistoleta të ndryshme me shtatë fishek, para të gatshme 8.000 (tetëmijë) euro dhe 35.000 (tridhjetë e pesëmijë) franga Zvicerane. I dyshuari pas intervistimit me vendim të prokurorit është dërguar në mbajtje.