Detaje tronditëse nga vdekja e 4-vjeçares në Dragash, uji e kishte bartur për gati 2 kilometra

Një vajzë e moshës 4-vjeçare është gjetur pa shenja jete sonte rreth orës 20:00 në komunën e Dragashit.


Sipas Policisë, fëmija ishte duke luajtur në afërsi të lumit dhe si rrjedhojë e pakujdesisë ka rënë në lumë.

Express mëson se uji e kishte bartur trupin nga fshati Blaç deri në fshatin Zgatar.

Rreth 60 banorë të fshatit kishin filluar menjëherë kërkimet dhe kishin arritur ta gjenin trupin e viktimës 1 mijë e 675 metra larg nga vendi ku kishte rënë.

Rastin e ka konfirmuar për Gazetën Online “Reporteri.net” edhe zëdhënësi i Policisë së Kosovës për Rajonin e Prizrenit, Shaban Osmanollaj.

“Reth orë 20:02 Policia ka pranuar informatë se në lumin e fshatit Blaç në komunën e Dragashit është gjetur një fëmijë i moshës 4-vjeçare pa shenja jete. Ka qenë duke luajtur afër lumit dhe si pasojë e pakujdesisë ka rënë në lumë. Vdekjen e tij e ka konstatuar mjeku i fshatit”, tha ai.