Zëvendëskryeministri i parë i Kosovës, Besnik Bislimi,  do të marrë pjesë online në konferencën mbi sigurinë në Ballkanin Perëndimor që do të mbahet sot në Beograd.

Kështu ka bërë të ditur Bislimi, mbrëmë përmes rrjetit social Twitter.

“Unë do të marr pjesë online në konferencën nesër. I kërkojmë ndjesë gjithë trupit diplomatik, shoqërisë civile org. & organizatorë, që nuk mundëm të jemi aty dhe të tregojmë këndvështrimin tonë për proceset në të cilat ndodhemi. Për ngjarjet e sotme kemi informuar edhe aktorët ndërkombëtarë”- ka thënë Bislimi në Twitter.

4/5 Citizens in Serbia are exposed to a terrible propaganda from the Government of Serbia, an invented truth about the developments in Kosova and in the dialogue with Serbia. It seems that there was great resistance, to prevent the presentation of our side's version.

— Besnik Bislimi (@BislimiBesnik) October 27, 2022

Bislimi dje u kthye në gjysmë të rrugës pas përpjekjes për të shkuar në Beograd për të qenë pjesë e dy forumeve atje.

Ai ka thënë se arsyeja e ndalimit të tij nuk ka qenë siguria, por fakti se në këto dy forume, Kosova planifikonte ta shpaloste anën e saj të zhvillimeve në vend, duke kundërshtuar, siç tha ai, propagandën që po u shpërndahet qytetarëve në Serbi nga qeveria serbe.

Zëvendëskryeministri Bislimi kthehet në Kosovë: Ky ishte sinjal që Serbia s’është e gatshme për normalizim