×
  • Lajme
  • Lajme

    “Do të vdesë para se të thahet boja”, akademiku serb thotë se askush nuk do të lejohet ta nënshkruajë njohjen e Kosovës

    Reporteri
    01 Maj 2021 | 21:35

    Akademikët serbë përveç propagandës kundër shtetit të Kosovës, tani kanë filluar të kërcënojnë edhe me jetë nëse një politikan serb nënshkruan njohjen e Kosovës.


    E një kërcënim i tillë së fundmi ka ardhur nga akademiku dhe regjisori serb, Dusan Kovacevic, përcjell Gazeta Metro.

    Siç shkruan ‘Sputnik‘, Kovacevic ka deklaruar se askush nuk do të lejohet të nënshkruajë njohjen e Kosovës, pasi “do të vdesë para se të thahet boja”.

    Kovacevic beson se një çështje kaq e madhe si çështja e Kosovës duhet të shkojë në referendum dhe ka thënë se Kushtetuta e Serbisë duhet të ndryshohet para se të ndodh kjo.

    “Çdo gjë është e organizuar mirë dhe nuk ka asnjë kuptim në këtë”, tha ai.

    “Shumica dërmuese e serbëve dhe shqiptarëve nuk do të bien dakord për ndonjë marrëveshje. Nëse kushti për rrugën e mëtejshme të Serbisë drejt BE-së është njohja e Kosovës, atëherë ajo rrugë nuk duhet të jetë”. tha Kovacevic.

    Akademia serbe ka motivuar gjithashtu edhe masakrat e kryera nga Serbia në Bosnje e Hercegovinë e Kosovë mbi mitet e krijuara.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!