Deputetja e AAK-së, Donika Kadaj-Bujupi, ka reaguar ndaj heqjes së taksës së pjesërishme ndaj produkteve serbe nga kryeministri i Republikës së Kosovës, Albin Kurti.
Në njërin prej emisioneve “DossierD” të televizonit Dukagjin, ajo tha se Kurti po i gjunjëzohet Serbisë, shkruan Reporteri.net
“Kurti është prapa kthy komplet dhe është kthy në një pozicion me e lutë Serbinë. Ajo çka kemi dëgju dje në konferencën për shtyp ka qenë një lutje për Serbinë”, ka thënë Bujupaj.
Tutje kjo e fundit thotë se kryeministër i Serbisë është një ministër i Millosheviçit, i cili nuk ka ndërruar fare qasje dhe diskurs në raport me Kosovën.
Dhe krejt në fund ajo thotë se Kurti po e financon Serbinë, duke veçuar këtu edhe financimin e armëve që po i blejnë nga Rusia sepse sipas Bujupit 500 milionë euro janë të Kosovës që po përfundojnë në Serbi.
Reporteri.net