Zyra e Rregullatorit të Energjisë(ZRRE), ka vendosur që të shfuqizojë tarifat e shtrenjta të energjisë elektrike, shkruan Reporteri.net.

Vendimi i ZRrE’së vjen pasi Gjykata e Apelit vërtetoi aktvendimin e Themelores për pezullimin e tarifave të shtrenjta, duke refuzuar kështu ankesën e këtij institucioni si të pabazuar.

Në njoftimin e publikuar në Facebook, Zyra e Rregullatorit thotë se Bordi ka ka nxjerr vendim, me të cilin shtyhet ekzekutimi i vendimit.

“Si pasojë e gjendjes së krijuar, Bordi i ZRRE-së me datë 20 maj 2022, në Seancën e jashtëzakonshme, ka nxjerr vendim, me të cilin shtyhet ekzekutimi i Vendimit V_1489_2022 i datës 08.02.2022, sipas Aktvendimit AA.nr.364/2022 të Gjykatës së Apelit”, thuhet në njoftim./Reporteri.net

Njoftimi i plotë:

ZRRE më datë 18 maj 2022, ka pranuar nga Gjykata e Apelit Aktvendimin AA.nr. 364/2022 me të cilin, Gjykata ka refuzuar ankesën e ZRRE-së dhe ka vërtetuar Aktvendimin e Gjykatës Themelore për shtyrjen e ekzekutimit të vendimit për tarifat me pakicë të energjisë elektrike, të aprovuar nga ZRRE, derisa Gjykata të vendosë me vendim përfundimtar gjyqësor, përkitazi me padinë e paditëses.

Si pasojë e gjendjes së krijuar, Bordi i ZRRE-së me datë 20 maj 2022, në Seancën e jashtëzakonshme, ka nxjerr vendim, me të cilin shtyhet ekzekutimi i Vendimit V_1489_2022 i datës 08.02.2022, sipas Aktvendimit AA.nr.364/2022 të Gjykatës së Apelit.