×
  • Lajme
  • Lajme

    Driton Selmanaj kërkon falje për deklaratën për të pagjeturit: Saranda Bogujevci është historia e gjallë e këtij vendi

    Reporteri
    03 Dhjetor 2020 | 21:39

    Zëvendëskryeministri i vendit, Driton Selmanaj ka kërkuar falje pas deklaratave të tij lidhur me çështjen e të pagjeturve për të cilën kishte shumë reagime madje u kërkua edhe shkarkimi i tij.


    Selmanaj tha se kushdo që është ndjerë i fyer apo i lënduar i kërkon falje publike.

    “Kushdo që në njëfar forme është ndjerë i fyer ose i lënduar nga deformimet, shtrebërimet që më janë bërë fjalëve të mija, i kërkoj falje publike. Për mua Saranda Bogujevci, Besarta Jashari, Gramoz Berisha dhe jo vetëm janë historia e gjallë e këtij vendi, këta janë vetë populli i Kosovës”, tha Selmanaj në Rubikon.

    Selmanaj po ashtu tha se është shantazhuar dhe linçuar publikisht nga Lëvizja Vetëvendosje.

    Ai tha se kur Qeveria Hoti ka vendosur të punojë për çështjen e të pagjeturve, atëherë ata po sulmohen më së shumti.

    “Unë s’kisha çka të shtoja. Në Kosovë është folë 21 vjet për çështjen e të pagjeturve dhe është punuar minimialisht nga të gjitha qeveritë pothuajse. Dhe për çudi kur kjo qeveri ka vendosur të punojë në këtë drejtim, sulmohemi më së shumti”, tha Selmanaj.

    Zëvendëskryeministri i Kosovës, Driton Selmanaj, teksa ishte duke folur rreth çështjes së të pagjeturve dhe përplasjeve që kanë ndodhur në seancën e Kuvendit, ka thënë se është i lodhur duke dëgjuar për këso raste. E kjo deklaratë e tij mori reagime të shumta nga politikanë të Kuvendit të Kosovës.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!