Kryetari i LDK-së, Isa Mustafa ka thënë se vendimi i LDK-së rreth tërheqjes së mundshme prej koalicionit qeverisës do të bëhet i ditur pas mbledhjes.
Këtë deklaratë ai e ka bërë për gazetarë, para së nisë mbledhja e kryesisë së Lidhjes Demokratike të Kosovës.
“Vendimi i Kurtit është i papranueshëm”, ka thënë ai.
I pari i LDK-së ka treguar se kryesia e partisë do të mblidhet në orën 18:00, për të diskutuar rreth veprimeve që do të ndërmerren pas vendimit të Kurtit për shkarkimin e Veliut.
Ndryshe, kryetari i LDK-së, gjatë ditës e ka quajtur si shkelje të marrëveshjes së koalicionit shkarkimin e Veliut.
Ndër të tjera, Mustafa ka kërkuar që Kurti ta tërheq vendimin për shkarkim dhe të marrë vendim për heqjen e taksës deri në fund të javës, të cilat kërkesa janë shtruar në formë ultimatumi.