Katër zyrtarë të Telekomit janë arrestuar gjatë ditës së sotme.

Nga policia e Kosovës kanë konfirmuar për Reporterin se të njëjtit dyshohen për keqpërdorim të pozitës zyrtare.

“Sot me 30 mars 2021, Policia e Kosovës, me urdhëresë të Gjykatës kompetente ka realizuar një operacion policor, i cili ka rezultuar me arrestimin e katër personave të dyshuar, mbi dyshimin për keqpërdorim të pozitës zyrtare.

Operacioni policor është realizuar në rajonin e Prishtinës, ku pas kompletimit të rastit do të jepen informacione shtesë”, thuhet në raportin zyrtar të Policisë.

Në media raportohet se dy nga të arrestuarit janë ish-drejtorët Trim Musliu dhe Armend Osaj. Ata po dyshohen për keqpërdorim të një kontrate të marketingut. /Reporteri.net