Ndonëse ka përfunduar dita e “Halloween”, në Prishtinë edhe sot po vazhdojnë aktet e shëmtuara të hedhjes së vezëve.
Kryetari i Prishtinës, Shpend Ahmeti, përmes një postimi në Facebook, i ka lutur personat e papërgjegjshëm që po i kryejnë këto akte, që të ndalen dhe mos t’i dëmtojnë autobusët
“Vazhdon gjuajtja me vezë e autobusëve edhe sot. Halloween ka përfunduar. Ju lutem mos i dëmtoni autobusët. Policia është në patrullim dhe çdo rast do të lajmërohet”, ka shkruar Ahmeti.
Kujtojmë se mbrëmë për shkak të festës së Halloween-it, shumë autobusë u dëmtuan nga gjuajtja me vezë.
Për këtë shkak, u ndërpre qarkullimi i tyre për të vazhduar sot prapë.