×
  • Lajme
  • Lajme

    Erdogan falënderon Kosovën, Shqipërinë dhe vendet e tjera për solidarizimin pas tërmetit

    Reporteri
    31 Tetor 2020 | 16:36

    Presidenti i Turqisë, Recep Tayyip Erdogan, ka falënderuar “të gjitha vendet mike” që shprehën ngushëllime dhe gatishmëri për të ndihmuar pas tërmetit të fuqishëm që goditi Izmirin.


    Nëpërmjet rrjetit social Twitter, Erdogan tha se, pas tërmetit, situata është nën kontroll.

    “Falënderoj të gjitha vendet mike që shprehën mesazhe ngushëllimi me rastin e tërmetit në Izmir dhe që njoftuan gatishmërinë e tyre për të ndihmuar”, shkroi Erdogan në Twitter.

    “Ne si Republikë e Turqisë, me të gjitha institucionet tona, jemi në terren pranë qytetarëve tanë. Situatën e kemi nën kontroll”, shtoi ai.

    Së bashku me deklaratën e tij, presidenti turk ka shpërndarë një fotografi me flamujt e shteteve të cilëve iu falënderua, përfshirë edhe vendet e rajonit, si Shqipëria, Kosova dhe Maqedonia e Veriut.

    Türkiye Cumhurbaşkanı Recep Tayyip Erdoğan, Twitter hesabından yaptığı paylaşımda , “İzmir depremi dolayısıyla geçmiş olsun ve taziye mesajlarını ileterek yardıma hazır olduğunu bildiren tüm dost ülkelere teşekkür ediyorum.” ifadesini kullandı. ( AA – Anadolu Ajansı )

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!