Në zgjedhjet e parakohshme parlamentare që pritet të mbahen me 14 shkurt, pjesë e listës së AAK-së për deputetë do të jetë edhe Ermira Ratkoceri-Vllasaliu, njoftojnë burime brenda Aleancës.

Ratkoceri së fundi ka qenë pjesë e kabinetit të zv. Kryeministrit Tahiri, duke shërbyer si këshilltare politike për çështje ekonomike, ndërkaq studimet themelore dhe postdiplomike i ka përfunduar në Angli, ku ka jetuar për një kohë të gjatë, duke qenë e angazhuar në kompani të ndryshme financiare si udhëheqëse e projekteve.

Sot është dita e fundit për subjektet politike që të dorëzojnë listat e tyre me emrat e kandidatëve për deputetë, të cilët pas çertifikimit do të mund të garojnë për ulëse në Kuvendin e Kosovës.