Analisti politik, Fidan Rama, ka folur për publikimin e dokumenteve që tregojnë mos-nënshkrimin e kontratës nga Arben Vitia për furnizmin me 500 mijë doza të vaksinës Pfizer.

Rama ka thënë se qytetari ka të drejtë të dijë se kur vijnë vaskinat, kur ministri nuk e tregon këtë gjë.

“Nëse është konfidenciale paraja, nuk është konfidenciale kur do të vijnë vaksinat. Insajderi e ka bërë punën e vet, çështja e policisë është një precedent nuk e kemi pa, nuk është se kemi prit dhe do të kemi me pa edhe herave të tjera, çka pret prej një qeverie që ka një pushtet absolut, cak i radhës do të jenë edhe mediat”, ka thënë Rama në Kanal10, shkruan Reporteri.net.

Ai ka thënë se alarm tjetër është forma e shpërndarjes së vaksinave.