Fillon seanca e jashtëzakonshme e Kuvendit për planin e Qeverisë

Ka filluar seanca e Kuvendit të Kosovës ku pritet që të diskutohet për programin qeverisës të qeverisë Kurti 2.


Në sallë janë parë të pranishëm deputetët e pozitës dhe opozitë, ndërsa nuk është prezent shefi i Qeverisë, Albin Kurti, shkruan Reporteri.net.

Seanca e sotme është vazhdim i seancës së jashtëzakonshme e cila u zhvillua të hënën.

Përfaqësuesit e pozitës, ndërkaq, u shprehën të bindur se Programi qeveritar është ndër programet më të mira të paraqitura deri më tani, por që u kritikua nga opozitarët.

Në këtë frymë debati u zhvillua deri në orët e vona të pasdites.

Seanca e jashtëzakonshme u thirr bazuar në kërkesën e kryeministrit të vendit, Albin Kurti, me temën: Prezantimi i Programit të Qeverisë së Republikës së Kosovës për vitet 2021-2025. /Reporteri.net