Posta e Kosovës, ka bërë të ditur se dy drejtorë të menaxhmentit të kësaj ndërmarrje, sot janë fjalosur dhe kacafytur mes vete.
Në njoftim bëhet e ditur se të dy drejtorët janë intervistuar nga Policia e Kosovës, shkruan Reporteri.
“Sot paradite në objektin e administratës qendrore të Postës së Kosovës, ka ndodh një incident i vogël i fjalosjes dhe kacafytjes në mes të dy drejtorëve të menaxhmentit të ndërmarrjes.
Për këtë rast janë duke u marr organet e rendit, ndërsa dy drejtorët janë duke u intervistuar në Policinë e Kosovës në Prishtinë”, thekson njoftimi.
Aty po ashtu bëhet e ditur se menaxhmenti i ndërmarrjes pritet të marrë masa disciplinore ndaj tyre.
“Menaxhmenti i ndërmarrjes, do të ndërmerr masat disiplinore gjatë ditëve në vijim, sipas rregulloreve të brendshme të ndërmarrjes dhe ligjeve në fuqi”, përfundon njoftimi./Reporteri.net