×
  • Lajme
  • Lajme

    Flet motra e shtatzënës që u vra në oborrin e QKUK’së: Kishin probleme, ai mbante thikë e armë në shtëpi

    Reporteri
    30 Nëntor 2022 | 20:55

    Shtatzëna që u vra në oborrin e QKUK’së ishte duke jetuar me babanë e saj, që kur u nda nga burri.

    Kështu ka deklaruar për T7 motra e viktimës, e cila tha se motra dhe ish-bashkëshorti kanë pasur probleme edhe më herët. Ka thënë edhe se i dyshuari për vrasje gjithmonë ka mbajtur armë e thikë në shtëpi.

    Sipas saj, viktima është ndarë me të me ndihmën e Policisë.

    Rastin për Gazetën Online Reporteri.net e ka konfirmuar zëdhënësja e Policisë për Rajonin e Prishtinës, Florie Ahmeti.

    Sipas Ahmetit, viktima është 35-vjeçare.

    “Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen e viktimës, femër, rreth 35 vjeç. Mbështetur në informacionet e para, dyshimet e ngritura sugjerojnë se bëhet fjalë për vrasje. Aktualisht policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim sqarimin e plotë të ngjarjes”, ka thënë Ahmeti.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!