Franca e ka mirëpritur marrëveshjen e arritur mes Kosovës dhe Serbisë në Bruksel, derisa ka bërë thirrje që të zbatohen marrëveshjet e arritura deri tash, përfshirë edhe atë për Asociacionin.

Përmes një postimi në faqen zyrtare, Ministria për Evropë dhe Punë të Jashtme e Francës, ka thënë se sipas marrëveshjes që u arrit, Kosova dhe Serbia janë pajtuar që pa vonesë, t’i vazhdojnë bisedimet për normalizimin e marrëdhënieve, duke u bazuar në propozimin e BE’së, të mbështetur nga Franca e Gjermania, shkruan Gazeta Online Reporteri.net.

“Nëpërmjet marrëveshjes, të dyja palët u zotuan të marrin masa të menjëhershme për targat për të shmangur përshkallëzimin. Ata ranë dakord gjithashtu që të vazhdojnë pa vonesë bisedimet për normalizimin e marrëdhënieve të tyre, në bazë të propozimit të bërë nga Përfaqësuesi i Lartë, me mbështetjen e Francës dhe Gjermanisë”, thuhet në komunikatë.

Në fund, është përmendur edhe Asociacioni i Komunave me Shumicë Serbe.

“Franca u bën thirrje palëve që të vazhdojnë diskutimet në frymën e kompromisit dhe të zbatojnë marrëveshjet tashmë të arritura, duke përfshirë dispozitat që kanë të bëjnë me Asociacionin/Bashkësinë e Komunave me shumicë serbe”, thuhet në komunikatë.

#Serbia #Kosovo | We welcome the agreement reached between Serbia and Kosovo under the aegis of the High Representative of the European Union for Foreign Affairs and Security Policy, Mr @JosepBorrellF.

Statement: https://t.co/WYnZ74v45x pic.twitter.com/RB7Fph7iJl

— France Diplomacy🇫🇷🇪🇺 (@francediplo_EN) November 25, 2022