Dhurimi i gjakut në fshatin Ratkoc të komunës së Rahovecit, tashmë është shndërruar në një lloj tradite për banorët e këtij fshati.

Si çdo vit, edhe sot, banorët e fshatit u janë drejtuar Ambulancës së fshatit për të dhuruar gjak me moton “Dhuro gjak shpëto jetë”.

Përveç, kësaj iniciative i është bashkuar edhe ish-kryeministri i Kosovës, Avdullah Hoti, i cili vjen nga ky fshat.

“5 shkurti – Dita e dhurimit të gjakut në Ratkoc
U bën 19 vjet nga fillimi i këtij aktiviteti human. Qindra burra e gra tanimë e shohin këtë veprim si detyrë të tyre më 5 shkurt”, ka shkruar Hoti në Facebook, shkruan Reporteri.net.

Ratkoci tashmë është bërë një shembull që po kopjohet edhe nga fshatrat përreth.