Një person është gjetur i vdekur në shtëpinë e tij në Prizren.
Lajmi është konfirmuar nga Policia e Kosovës në raportin 24 orësh.
“Viktima mashkull kosovar është gjetur pa shenja jete në shtëpinë e tij. Njësitet policore dhe ekipi mjekësor kanë dalë në vendin e ngjarjes, ku edhe është konstatuar vdekja e viktimës. Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion, ndërsa njësitet policore janë duke hetuar rastin”, thuhet në njoftim.
Gazeta Online “Reporteri.net mëson nga burimet brenda policisë se personi që është gjetur i vdekur është i moshës 31-vjeçare.
Sipas burimeve familjarët i kanë thënë policisë se i ndjeri kishte probleme shëndetësore. /Reporteri.net/.