Gjest shembullor: Babë e bijë pastrojnë Memorialet në Krushë e Rahovec

Zana Hoti, vogëlushja nga Rahoveci edhe pse ditët e fundit është ballafaquar me probleme shëndetësore, ajo pasi i është përmirësuar gjendja ka bërë një vepër humane.


Së bashku me babanë e saj, Selami Hotin, këtë vikend e kanë shfrytëzuar që t’i vizitojnë edhe Memorialet në Krushë e Rahovec, ku edhe i kanë pastruar varrezat e dëshmorëve.

Është vet Selamiu ai që ka publikuar disa fotografi, dhe një mbishkrim në Facebook.

“Pasi që Zana po ndjehet më mirë, këto ditë vizituam Memorialet në Krushë e Rahovec. Pak edhe pastruam këto vende të shenjta të cilat duhet t’i mirëmbajmë së pari vetë në familjarët e pastaj edhe vizitorët që i nderojnë të rënët tanë për liri. Lavdi të rënëve, e ne të bëjmë më shumë kujdes”, shkruan Hoti, i cili është edhe kryetar i fshatit Krushë e Madhe.