Të mërkurën në medie është raportuar se Gjykata Kushtetuese së shpejti mund ta rrëzoj Qeverinë “Hoti” duke marrë vendim në favor të Lëvizjes Vetëvendosje për ankesën lidhur me kushtetutshmërinë e pjesëmarrjes dhe të votimit të deputetit Etem Arifi për Qeverinë “Hoti”.

Por lidhur me këtë nga Gjykata Kushtetuese, kanë thënë se ajo çfarë është raportuar dje nuk qëndron.

“Raportimet e djeshme në media përkitazi me këtë rast janë të pasakta dhe nuk qëndrojnë”, thuhet në përgjigjen e gjykatës për Front Online.

Të pyetur se ku ka mbetur kërkesa e Lëvizjes Vetëvendosje për antikushtetuetshmërinë e pjesëmarrjes dhe të votimit të z. Arifi për Qeverinë “Hoti”, nga Gjykata kanë bërë të ditur se lënda është duke u shqyrtuar.

“Gjykata nuk ka marrë ende një vendim lidhur me këtë kërkesë dhe lënda është duke u shqyrtuar”, kanë deklaruar nga Kushtetuesja.

Tutje në përgjigjet e Gjykatës, thuhet se po sa të marrin një vendim do ta bëjnë publik dhe do të njoftohen të gjitha palët e përfshira.

“Si në çdo rast deri më tani, sapo Gjykata të marrë një vendim, për këtë do të njoftohen me kohë të gjitha palët e përfshira në rast dhe opinioni”, thuhet në përgjigjen e Gjykatës Kushtetuese.