Richard Grenell, Emisar Special i Presidentit Donald Trump për dialogun Kosovë – Serbi ka lëshuar një deklaratë pas vendimit të Gjykatës Kushtetuese të Kosovës.
Ambasadori Grenell deklaron se vendimi që e i jep të drejtë Presidentit, të respektohet.
“Gjykata Kushtetuese ka folur. Për të siguruar paqen dhe stabilitetin – dhe për të mbështetur integritetin e sistemit të drejtësisë së Kosovës – të gjithë duhet të respektojnë vendimin e Gjykatës. Mezi pres të vazhdoj punën time me njerëzit e Kosovës dhe qeverinë e tyre për të sjellë prosperitet, zhvillim dhe vende punë në rajon”, ka deklaruar Grenell përmes një komunikate dërguar mediave nga Zyra e tij.
Kujtojmë se Kryeministri në detyrë, Albin Kurti ka akuzuar publikisht në mediat e huaja, Richard Grenellin për rrëzimin e Qeverisë së tij.