I dërguari i Posaçëm i Presidentit të SHBA-së, Richard Grenell, nga Serbia ku po qëndron për vizitë foli për marrëveshjen e 4 shtatorit.
Grenell tha se ata kanë marrë përgjegjësi për marrëveshjen, dhe kjo nënkuptonte krijimin e vendeve të punës në masë, transmeton Reporteri.
Siç tha ai “fjalët në letër nuk janë të mjaftueshme derisa të krijohen vende pune në masë”.
“Ne kemi marrë përgjegjësinë për realizimin e marrëveshjes dhe kjo nënkupton krijimin masiv të vendeve të reja të punës”, tha Grenell nga Beogradi.
Grenell po ashtu shtoi se Kosova dhe Serbia kanë vëmendjen e plotë të Uashingtonit dhe të presidenti Trump.
“Ky është delegacioni më i madh nga Shtetet e Bashkuara me përfaqësues të disa agjencive. Ne jemi këtu vetëm dy javë pas marrëveshjes në Uashington, ju keni vëmendjen e plotë të Uashingtonit, ky është një angazhim i vërtetë i qeverisë amerikane. Ne nuk do të ishim këtu nëse nuk do të ishte Presidenti Trump, i cili besoi se mund të bëhej diçka tjetër, ekonomia dhe punët mund të viheshin në plan të parë”, u shpreh ndër të tjera Grenell.