Hajnat ia demolojnë shtëpinë malishevasit, vjedhin para e stoli ari

Një person ka raportuar se disa persona të dyshuar kanë hyrë në shtëpinë e tij mbrëmë në Malishevë rreth orës 21:50.


Njësitë relevante policore kanë dalur në vendin e ngjarjes ku kanë vërejtur se personat e dyshuar kanë hapur me forcë derën e hyrjes së shtëpisë dhe kanë hyrë brenda ku kanë demoluar gjësendet në kuzhine dhe në 3 dhoma të gjumit.

“Sipas viktimës të dyshuarit kanë vjedhur para  dhe stoli ari. Në lidhje me rastin është njoftuar prokurori i shtetit. Rasti vazhdon të hetohet nga njësitet policore”, thuhet ndër të tjera në njoftimin e Policisë së Kosovës.