Kryeministri në detyrë, Ramush Haradinaj, gjatë ditës ka vizituar dy policët që mbetën të plagosur gjatë një aksioni policor në Zhur të Prizrenit.
Nga aty Haradinaj ka njoftuar se në mbledhjen e sotme të Qeverisë do të vendoset që krahas pensionit, familjeve të policëve të vrarë t’iu jepet edhe një shumë si ndihmesë.
“Është një lajm i dhimbshëm si për familjen ashtu edhe për të tjerët. Sot kam qenë edhe me drejtorin e policisë, Rashit Qalaj. Do ta përcjellim gjendjen me kujdes. Është një kërkesë shumë e drejtë për Ligjin për sigurime shëndetësore dhe pensionimin e parakohshëm. Janë në proces, jemi në pritje të formimit që Qeverisë për me i dërgu. Sot do të marrim vendim që policëve të rënë në detyrë krahas pensionit të ndajmë edhe një shumë për familjet”, ka thënë Haradinaj, shkruan Reporteri.net
Ndryshe, njëri nga policët e plagosur po dyshohet se ka humbur shikimin nga shpërthimi i bombës./Reporteri.net