Haradinaj kujton Skenderbeun: Ai është në zemrën e çdo shqiptari

Lajme

Haradinaj kujton Skenderbeun: Ai është në zemrën e çdo shqiptari

Reporteri

17 Janar 2021 | 15:18

Kryetari i Aleancës për Ardhmërinë e Kosovës (AAK), Ramush Haradinaj ka kujtuar kryeheroin e kombit shqiptarë Gjergj Kastriotin Skënderbeun, në 553 vjetorin e vdekjes së tij.

Ai ka thënë se çdo përvjetor kujtimi për të, është një rast reflektimi rreth ndjenjave kombëtare.

‘Në 553-vjetorin e vdekjes së Gjergj Kastriotit-Skënderbeut, kujtojmë Kryeheroin që bashkoi shqiptarët. Çdo përvjetor kujtimi për të, është një rast reflektimi rreth ndjenjave kombëtare. Skënderbeu dhe veprat e tij paraqesin përveç etjen për liri, edhe ndjenjën e bashkimit, shpërndarjen e meritave të asaj që arrihet. Këtë e vërteton më së miri thënia lapidare kur kishte arritur në trojet arbërore: Lirinë nuk ua solla unë, atë e gjeta në mesin tuaj’, ka shkruar ai në Facebook.

Lexo edhe:

Neuropsikiatri Agani flet pas vrasjes së dy grave nga bashkëshortët: Janë pasoja të luftës

Votimet në kontejnerë? KQZ-ja nesër publikon adresat e qendrave të reja të votimit

Serbia paraburgos kosovarin që e ndaloi të mërkurën bashkë me 300 të tjerë, e akuzon për krime lufte

Më tej Haradinaj ka thënë se sa herë e kujtojmë Skënderbeun, e gjejmë shëmbëlltyrën e tij te secili martir, hero e dëshmor.
‘Sa herë kujtojmë Skënderbeun, e gjejmë shëmbëlltyrën e tij te secili martir, hero e dëshmor, në çdo etapë të historisë sonë të lavdishme. E gjejmë te secili luftëtar i lirisë, te zemra e çdo shqiptari. Lavdi e përjetshme, ka thënë Haradinaj.

Shpërndaje: