Qeveria e Albin Kurtit votoi sot për të shfuqizuar vendimin që u garantonte zyrtarëve të shtetit të merrnin paga dhe privilegje edhe pas mandatit.
Për këtë vendim, ka reaguar shefi i grupit parlamentar të AAK-së, Daut Haradinaj, duke thënë se paraqitja që i bëri Qeveria këtij shfuqizimit, është mashtirm për opinionin, shkruan Reporteri.net.
Sipas Haradinajt, vendimi që u shfuqizua nga Qeveria Kurti nuk është vendim i Qeverisë Haradinaj, por i Qeverisë së Mustafës.
“Sot Qeveria Kurti mori disa vendime me hov, si dhe padrejtësisht e me tendencë po tenton ta mashtrojë opinionin. Për populizëm këtë mashtrim e quajtën si shfuqizim i vendimeve të Kryeministrit Haradinaj. Për shkak të korrektësisë qytetarët duhet të dinë se sot është shfuqizuar vendimi i Isa Mustafës i vitit 2015. Ky vendim parashihte privilegje për zyrtarët edhe pas përfundimit të mandatit. Shpresoj që Kryeministri Kurti e ka informuar partnerin e tij të koalicionit Z. Mustafa për këtë vendim. E neve na mbetet ta informojmë opinionin për këtë mashtrim të radhës”, ka thënë Haradinaj./Reporteri.net