Haradinaj me zyrtarë të AAK-së u pritën sonte për iftar në Prizren

Kryetari i AAK-së, Ramush Haradinaj me disa anëtarë të partisë sonte janë pritur për iftarë në qytetin e Prizrenit.


Haradinaj përmes një postimi në Facebook ka shkruar se iftari paraqet përpos gëzimin për agjëruesit edhe barazinë e solidaritetin mes atyre që ndajnë ushqimin mes vete.

Postimi i tij:

Në Prizrenin e bukur, sonte na bashkoi miku im Varis Xhejlani.

Vlerat shpirtërore gjithmonë na kanë bërë bashkë si popull e iftari paraqet përpos gëzimin për agjëruesit edhe barazinë e solidaritetin mes atyre që ndajnë ushqimin mes vete.
Paraprakisht, kam vizituar biznesin e Jahja dhe Besfort Brikës dhe kam shprehur edhe njëherë përkrahjen time për hapjen e mëtutjeshme të ekonomisë, veçanërisht sektorit të gastronomisë.

Gjithashtu, me Varisin i cili kryeson Shoqatën “Esnaf”, shkëmbyem mendime për pasojat e shkaktuara nga gjendja pandemike, sidomos për kategorinë që ai përfaqëson, biznesmenët dhe zejtarët.

Rimëkëmbja ekonomike, kërkon intervenimin e shtetit në favor të ruajtjes së vendeve të punës, ndalimit të degradimit të mëtutjeshëm ekonomik dhe ndalimin e rritjes së varfërisë. Është koha për vendime të guximshme që të ndalohen pasojat afatgjate të krizës ekonomike.

Varisin e falënderoj për mikpritjen, e besimtarëve agjërim të lehtë e të pranuar!
RH