Haradinaj përgëzon ministrin Likaj për marrëveshjen me SBASHK

Lajme

Haradinaj përgëzon ministrin Likaj për marrëveshjen me SBASHK

Reporteri

22 Janar 2021 | 11:11

Ministria e Arsimit dhe SBASHK-u sot kanë arritur marrëveshje, ku sipas saj do të paguhet edhe paga e 13-të për mësimdhënësit e arsimit parauniversitar, duke filluar nga viti 2023.

Këtë hap e ka quajtur shumë të rëndësishëm kryetari i Aleancës për Ardhmërinë e Kosovës (AAK) dhe njëherësh kandidat për president Ramush Haradinaj.

Ai tha se arritja e marrëveshjes ka një rëndësi të veçantë për procesin arsimor në Kosovë.

Lexo edhe:

Komandanti suprem i NATO-s, Cavoli: Po shtojmë forcat në Kosovë dhe Bosnje, po sjellim artileri të rëndë

Kaplohet nga zjarri kuzhina e një lokali në Gjakovë

Shkelja e Marrëveshjes për lëvizjen e lirë nga Serbia, kritikat dhe reagimet mbi ndalimin e qytetarëve kosovarë dhe policët

‘Te dashur nxënës, prindër e arsimtarë,

Lajm shumë i mirë përmbyllja me sukses e negociatave mes SBAShK-ut dhe Ministrisë së Arsimit.

Arritja e marrëveshjes ka një rëndësi të veçantë për procesin arsimor në Kosovë, në të gjitha nivelet. Është kohë kur na duhen marrëveshjet dhe bashkëpunimi i ndërsjellë në të gjitha sferat, në mënyrë që ta tejkalojmë krizën aktuale që na ka prekur të gjithëve’, ka shkruar Haradinaj në Facebook.

Më tej Haradinaj ka thënë se shumë shpejt do të zgjidhet edhe çështja e mjekëve dhe personelit mjekësor.

‘Së shpejti do zgjidhet edhe çështja e mjekëve dhe personelit mjekësor, ashtu siç ishte e paraparë me Ligjin e Pagave.

Përgëzoj ministrin e Arsimit, z. Ramë Likaj, për angazhimin e tij të palodhshëm në arritjen e kësaj marrëveshjeje’, përfundoi ai.

Shpërndaje: