Kryetari i Aleancës për Ardhmërinë e Kosovës, Ramush Haradinaj, ka reaguar për sulmin ndaj gazetarit të Insajderit, Visar Duriqi, i cili u sulmua brutalisht mbrëmë nga tre persona.
Haradinaj në këtë reagim ka thënë se e dënon ashpër këtë sulm, të cilin e ka quajtur qyqar.
Ai ka ftuar organet e drenit që ta zbardhin këtë rast.
“Dënoj ashpër sulmin qyqar ndaj gazetarit Visar Duriqi. Kërkoj që organet e rendit të zbardhin rastin dhe uroj të jetë i fundit. Fjala e lirë është garancë e demokracisë në një shoqëri që aspiron një të ardhme të sigurt”, thuhet në reagimin e Haradinajt.