Haradinaj së bashku me zëvendëskomandantin e KFOR-it bëjnë homazhe në Gllogjan

Kryeministri Ramush Haradinaj ka bërë homazhe sot në Gllogjan në përvjetorin e rënies së Arben e Luan Qerimaj.


Haradinaj përmes një postimi në Facebook ka bërë të ditur se për homazhe ka qenë së bashku me zëvendëskomandatin e KFOR-it, John Boyd.

Luftës sonë për liri e dinjitet këta djem trima ia shtuan pushkët e tyre për të rënë në mbrojtje të së drejtës sonë”, ka shkruar ndër të tjera Haradinaj.

Postimi i plotë i tij:

Së bashku me zëvendëskomandatin e KFOR-it, Gjeneralin amerikan John Boyd, sot në Gllogjan homazhe në përvjetorin e rënies së Heronjve të Kosovës, Arben e Luan Qerimaj. Me nderimet më të larta kujtojmë sot edhe bashkëluftëtarët e tyre të rënë po në këtë ditë, Rexhep Tafa, Bislim Alijaj dhe Haki Krasniqi. Luftës sonë për liri e dinjitet këta djem trima ia shtuan pushkët e tyre për të rënë në mbrojtje të së drejtës sonë. Heroizmi i tyre do të na shërbejë përherë si burim për fuqizimin e shtetit të Kosovës. Lavdi e përjetshme!