Mbrëmë është raportuar se Adonis Gashi, njëri nga tre shokët e qelisë në të cilën po mbahej Astrit Deharit në Burgun e Prizrenit është shpallur në kërkim nga organet e drejtësisë.

Ndaj këtij lajmi ka reaguar deputetja e Vetëvendosjes, Albulena Haxhiu, njëherit e mandatuar nga Kurti për ministre të Drejtësisë e cila ka shkruar në Facebook se lajmi për zhdukjen e shokut të dhomës së Astrit Deharit, ishte tronditja e radhës.

Haxhiu ka shkruar tutje se sikurse mbrëmë nuk kanë asnjë informacion nëse lajmet në fjalë janë të sakta, e nëse po çka do të bëjnë institucionet në këtë drejtim, shkruan Reporteri.net.

Postimi i plotë:

Mbrëmë nga portali kallxo.com u informuam se njëri nga personat që ka qenë në dhomë me aktivistin tonë Astrit Dehari është zhdukur. Padyshim se ky lajm ishte tronditje e radhës për të gjithë ne që kërkojmë drejtësi për Astritin!

Sikurse mbrëmë as sot nuk kemi asnjë informacion se a janë të sakta këto lajme, nëse po, çfarë po bëjnë institucionet në këtë drejtim.

Familja, aktivistët dhe qytetarët duhet të njoftohen sa më parë.

Drejtësi për Astrit Deharin!

https://www.facebook.com/hapeporten/posts/3246892628714839