Haxhiu: Një strukturë e cila ka kapacitetin t’i fitojë zgjedhjet, do duhej të kishte edhe kapacitetin për të marrë përgjegjësitë

Lajme

Haxhiu: Një strukturë e cila ka kapacitetin t’i fitojë zgjedhjet, do duhej të kishte edhe kapacitetin për të marrë përgjegjësitë

Reporteri

14 Prill 2021 | 12:55

Aleanca për Ardhmërinë e Kosovës (AAK), sot ka mbajtur konferencë për media.

Para medieve ka dalur nënkryetarja e AAK-së Teuta Haxhiu si dhe deputeti Besnik Tahiri.
Që të dy i bënë thirrje Qeverisë Kurti, që të veproj me plane konkrete për vendin e jo të merret me popullizëm.

Haxhiu tha që një strukturë e cila ka kapacitetin t’i fitoj zgjedhjet, do duhej të kishte edhe kapacitetin për të marrë përgjegjësitë për proceset që nga dita e parë e qeverisjes.

Lexo edhe:

Vdes një person në Pejë, dyshohet se është goditur qëllimshëm me veturë

Arrestohet në Pejë i dyshuari që sulmoi dy gra në një parking në qendër të Prishtinës, kishte shkaktuar edhe aksidente

Hovenier e vlerëson produktiv takimin e Kurtit me O’Brien: Presim që Kosova dhe Serbia t’i përmbushin obligimet

‘Një strukturë e cila ka kapacitetin t’i fitoj zgjedhjet, do duhej të kishte edhe kapacitetin për të marrë përgjegjësitë për proceset që nga dita e parë e qeverisjes. Jemi në përmbyllje të muajit të parë të qeverisë Kurti, e ne ende nuk kemi parë Programin Qeveritar, të bazuar në premtimet e fushatës elektorale. Kjo është shqetësuese, jo vetëm për ne si subjekt opozitar, por për të gjithë qytetarët e vendit. Humbja e muajve mund të rezultojë me humbje të viteve.Kthimi në normalitet nuk toleron veprime pa një Program Qeveritar, i shoqëruar me një Plan Veprimi’, tha Haxhiu.

‘Si rezultat, ne deri tani kemi parë veprime populiste, e fatkeqësisht edhe shfaqje të nepotizmit, lëndim të raporteve me shtetin tonë amë, veprime këto që janë kritikuar ashpër nga mediet dhe qytetarët. Kemi parë një vendim të padrejtë e pa asnjë bazë shkencore, me të cilin u godit ekonomia e vendit, me mbylljen e gastronomisë dhe vendosjen e orës policore.
Pra, si është e mundur që në njërën anë ta mbyllësh shtëpinë tënde( mbyllja e gastronomisë dhe dëmet krejtësisht të panevojshme ekonomike),ndërsa në anën tjetër të shfaqesh e të bësh lojën e djallit në mënyrën më të pakuptimtë në shtetin amë, madje duke e lënduar rëndë demokracinë.
Ky është një paradoks që vetëm një qeveri si kjo e Albin Kurtit mund ta bëj, në vend të zgjidhjes së problemeve dhe punëve që kanë para vetes çdo ditë e çdo minutë.’, tha Haxhiu.

‘Një Qeveri e cila ka dalë nga një mbështetje popullore, nuk do të duhej të frikësohej nga komunikimi me publikun, e as nga transparenca. Një qeveri e tillë, nuk duhet të konsiderojë se me përfundimin e zgjedhjeve, ka përfunduar edhe kujdesi ndaj qytetarëve, të cilët e sollën në pushtet’, tha ndër të tjera Haxhiu.

Shpërndaje: