×
  • Lajme
  • Lajme

    Haziri: Në 25-vjetorin e çlirimit, Kosova ndodhet në një pozitë jo të mirë të shtetësisë

    Reporteri
    13 Qershor 2024 | 22:29

    Nënkryetari i Lidhjes Demokratike të Kosovës, Lutfi Haziri ka thënë se në 25-vjetorin e çlirimit, Kosova ndodhet në një pozitë jo të mirë të shtetësisë.

    Ai i ka përmendur masat ndëshkuese ndaj Kosovës, raportet jo të mira të fqinjësisë dhe me aleatët.

    “Po flasim për shtetësi të papërmbyllur, po flasim për një Kosovë e cila është në masa ndëshkuese dhe në masa kufizuese politike, pa raporte të mira të fqinjësisë, e cila bie në kundërshtim me misionin dhe me garancitë politike që i ka dhënë Kosova, pa marrëdhënie partneriteti të qëndrueshëm me BE-në e NATO-n, e në veçanti që ne kemi pretenduar me marrëdhënie speciale me ShBA-në, kemi edhe këtu diskutime se në çfarë nivele ekzistojnë këto marrëdhënie”, deklaroi ai në Klan Kosova.

    Tutje ai shtoi se është e dhimbshme që kjo festë të kalojë siç tha, “me këta mysafirë që janë kontributdhënës në Kosovë, janë partnerë të Kosovës, por janë krejt në klubin e të pensionuarve politikë”, duke iu referuar mysafirëve si Tony Blair, George Robertson, William Walker, etj.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!