VV dhe LDK nesër do të takohen sërish, por këtë herë për t’i ‘ndihmuar’ në arritjen e marrëveshjes pjesë e takimit do të jenë edhe përfaqësuesit e vendeve të QUINT-it dhe përfaqësuesja e BE-së në Kosovë.

Nënkryetari i LDK-së, Lutfi Haziri, ka thënë se përfaqësuesit e QUINT-it do të informohen në këtë takim për qëndrimet e partive, ndërsa sipas tij do t’i japin atmosferë positive takimit.

“Mund t’i jep atmosferë pozitive (takimit) dhe shpirt politik, përndryshe vullneti i LDK-së dhe VV-së është për marrëveshje të përbashkët”, ka deklaruar Haziri në Klan Kosova, shkruan Reporteri.net.

Ai ka thënë se është ithtar që të ndodhin takime deri ditën e fundit, pra kur Kurtit t’i përfundon e drejta për mandatarin.

Ndërsa më herët edhe nënkryetarja e LDK-së, Vjosa Osmani, ndërsa foli për prezencën e QUINT-it në takimin e nesërm, deklaroi se ata do të jenë aty për t’u informuar.

Kujtojmë se as VV e as LDK nuk kanë treguar se në sa ora mbahet takimi dhe në ç’vend do të mbahet. /Reporteri.net/.