Kryeministri Avdullah Hoti ka udhëtuar dje në Bruksel ku nesër fillojnë bisedimet me Serbinë.
Edhe pse nuk ka pasur një njoftim zyrtar nga zyra për informim e Kryeministrisë, këtë e ka bërë të ditur shefi i EULEX-it në Kosovë, Lars-Gunnar Wigemark, i cili e ka parë Hotin në aeroplan.
Ai ka lavdëruar kryeministrin Hoti, duke thënë se ka udhëtuar me aeroplan të klasit ekonomik për në Vjenë e më pas për në Bruksel, shkruan Reporteri.net.
“Heq kapelën për kryeministrin e Kosovës, Avdullah Hotin, i cili ka udhëtuar me ne në klasën ekonomike Prishtinë-Vjenë dhe më pas nga Vjena në Bruksel. Sa kryeministra të Ballkanit Perëndimor do të kursenin paratë e taksapaguesve në këtë mënyrë?”, ka shkruar ai në Twitter.
Hats off for #Kosovo ?? Prime Minister @Avdullah Hoti who today travelled with the rest of us in economy class on the ✈️ Pristina to Vienna and on the ✈️ below from Vienna to Brussels. How many other Western Balkans’ Prime Ministers would save on tax payers money in such a way? pic.twitter.com/XiOmXyY5w7
— Lars-Gunnar Wigemark (@LarsGWigemark) July 14, 2020
Hoti të enjten do të takohet me Aleksandër Vuçiqin e Serbisë në takimet e rfillimit të dialogut. /Reporteri.net/.