×
  • Lajme
  • Lajme

    Hoti: Kurrë nuk do të ketë Asociacion me kompetenca ekzekutive

    Reporteri
    16 Shtator 2020 | 12:14
    Deputeti i LDK'së, Avdullah Hoti

    Kryeministri Hoti u ka kthyer përgjigje shetësimeve që së fundmi i ngriti Presidenti Thaci, e më parë edhe Vetëvendosje rreth çështjes së Asociacionit të komunave serbe.


    Presidenti Hashim Thaçi, dje hapi temën e Asociacionit të Komunave Serbe të cilën e konsideroi të rrezikshme, kryeministri Avdullah Hoti është shprehur i sigurt se në Kosovë nuk do të ketë asnjëherë një asociacion me kompetenca ekzekutive.

    Kryeministri Hoti po diskuton për dialogun në një tryezë me shoqërinë civile.

    Gjatë këtij diskutimi vlerësoi shumë edhe marrëveshjen e Uashingtonit, ku tha se në fund të shtatorit presin një vizitë të agjencive amerikane për nis projektet ekonomike.

    Si pjesë më të rëndësishme, kryeministri e konsideroi njohjen reciproke me shtetin e Izraelit.

    Ndërsa, tha se moratoriumi 1 vjeçar për mosaplikim në organizata joqeveritare duhet të shërbejë që brenda kësaj periudhe të arrihet marrëveshja finale me Serbinë.

    Krahas kësaj, Hoti ritheksoi se në tre muaj që është në krye të qeverisë asnjëherë nuk është diskutuar çështja e shkëmbimeve të territorit.

    Po ashtu, kryeministri tha se në kuadër të dialogut tash janë duke bërë vetëm draftimin e marrëveshjes finale dhe se nuk ka asnjë marrëveshje të veçantë, por të gjitha do të inkorporohen në marrëveshjen finale.

    Derisa theksoi se Kosova nuk ka rrëshqitur në dialog teknik.

    Ndërsa, drejtoresha ekzekutive e PIPS-it, Leonora Kryeziu kërkoi një konsensus politikë për çështjen e dialogut.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!