Haradinaj merr një vendim para largimit: 28 nëntori ditë pushimi në Kosovë

Kryeministri në detyrë, Ramush Haradinaj, ka njoftuar se është vendosur që me rastin e Ditës së Flamurit, 28 nëntori dita kur Shqipëria feston pavarësinë e saj do të shpallet ditë pushimi në territorin e Kosovës, shkruan Reporteri.net.


Ai këtë e bëri të ditur përmes një postimi në Facebook ku shkroi se ky vendim erdhi për t’i respektuar vlerat e traditës kombëtare shqiptare. Ai shton se 28 nëntori do të jetë ditë pushimi dhe është e motivuar nga aspekti historik, tradicional dhe politik.

Më poshtë është shkrimin e tij të plotë, bashkëngjitur gjeni edhe vendimin zyrtar:

Me rastin e Ditës së Flamurit, mbështetur në Ligjin për Festat Zyrtare, kam marrë vendim që 28 Nëntori, të shpallet ditë pushimi në territorin e Republikës së Kosovës, për t’i respektuar vlerat e traditës kombëtare shqiptare. Vendimi, që 28 Nëntori të jetë ditë pushimi, është i motivuar nga aspekti historik, tradicional dhe politik.

Me rastin e Ditës së Flamurit, mbështetur në Ligjin për Festat Zyrtare, kam marrë vendim që 28 Nëntori, të shpallet ditë…

Publiée par Ramush Haradinaj sur Mercredi 20 novembre 2019