×
  • Lajme
  • Lajme

    Iku nga burgu para tri ditësh, policia e arreston të dënuarin

    Reporteri
    29 Tetor 2020 | 16:32

    Shërbimi Korrektues i Kosovës ka njoftuar se Policia ka arrestuar të burgosurin i cili kishte arritur të ikte nga burgu i Smrekonicës.


    Në njoftimin e SHKK’së bëhet e ditur se i burgosuri V.K. kishte ikur para tri ditësh.

    “Shërbimi Korrektues i Kosovës, njofton opinionin publik se sot gjatë ditës, i burgosuri, V.K, i cili më 26.09.2019 ishte larguar nga Qendra Korrektuese Smrekonicë (Institucion i tipit të hapur), është arrestuar nga policia. V. K , ishte i dënuar me një vit e dy muaj burgim për veprën penale; Vjedhje Pylli”, thuhet në njoftim.

    V.K. është dërguar në burgun e Dubravës për ta vazhduar mbajtjen e dënimit.

    “I njëjtit pas arrestimit nga policia e Kosovës është dorëzuar tek autoritetet e SHKK-së në Qendrën Korrektuese Dubravë për të vazhduar mbajtjen e dënimit. Sipas Planit Operativ “Coronavirus”, i njëjti fillimisht do t`i nënshtrohet kontrolleve mjekësore, pastaj fazës katërmbëdhjetë ditore të karantimit, për të vazhduar tutje me vendosjen e rregullt”, thekson njoftimi.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!