Lëvizja Vetëvendosje ka marrë gjobë nga Inspektorati në Prishtinë për thyerjen e masave anti-COVID.
Drejtori i Inspeksionit në Komunën e Prishtinës, Adonis Tahiri, përmes një postimi në Facebook ka bërë të ditur se VV-ja është gjobitur me 2000 euro, shkruan Reporteri.net
“Askush mbi ligjin! As VV!” ka shkruar ai.
Partitë politike kanë filluar tubimet nëpër komuna ende pa filluar zyrtarisht fushata zgjedhore. Në fotografitë e postuara në rrjetet sociale shihen grumbuj personash afër njëri-tjetrit dhe pa maska.
Më parë ishin dënuar edhe partitë tjera si LDK, PDK, AAK e Nisma.
Postimi i plotë i Tahirit:
Askush mbi ligjin!
As VV!
Grumbullim i njerëzve në hapësirë të mbyllur. Shumë prej tyre pa maska!
/Reporteri.net